ብርሃን ባንክ የ10ኛ ዓመት የምስረታ ክብረ በዓሉን በደማቅ ሁኔታ አከበረ፡፡

ብርሃን ባንክ 10 ዓመት የምስረታ ክብረ በዓሉን በደማቅ ሁኔታ አከበረ፡፡

ብርሃን ባንክ የ10ኛ ዓመት የምስረታ ክብረ በዓሉን ህዳር 16 ቀን/2012 ዓ.ም በተለያዩ ስነስርዓቶች በስካይላይት ሆቴል በደማቅ ሁኔታ አክብሯል፡፡ በዝግጅቱ ባንኩ ለአገልሎት ክፍት ከሆነበት ከኦክቶበር ወር 2009 ዓም ጀምሮ እስከ ዛሬ ያሉ የተለያዩ ዋነኛ ስኬቶቹን በማወደስ፣ የወደፊት ጊዜያትን ደግሞ በጠንካራ አቅም ሊጓዝ እንዳቀደ ነው ያስረዳው፡፡ የእለቱ ዝግጅት በሶሶስት ዋና ዋና የትኩረት አቅጣጫዎች ላይ ያነጣጠረ ሆኖ በተለያዩ መርሃግብሮች በስኬት ተጠናቅቋል፡፡ ከተለያዩ የህትመት እና ኤሌክተሮኒክስ ሚዲያ  ተቋማት ተጋብዘው በቀረቡ የሚዲያ አካላት በተዘጋጀው የባንኩ የዲሬክተሮች ቦርድ ሰብሳቢ እና የባንኩ ፕሬዚዳንት በጋራ በሰጡት ጋዜጣዊ መግለጫ ከቀኑ 11፡00 ጀምሮ እስከ 11፡45 ድረስ ተከናውኗል፡፡ በማስከተልም ጥሪ የተደረገላቸው እንግዶች ወንበሮቻቸውን እንደያዙ በመድረኩ ላይ በእውቅ የሙዚቃ ተጫዋቾች አማካኝነት ድንቅ የሆነ የቫዮሊን የሙዚቃ ኮንሰርት ለታዳሚያኑ ቀርቧል፡፡ ይህንንም ተከትሎ በአርቲስት ሃረገወይን አሠፋ  የመድረክ አጋፋሪነት ለእንግዶቹ የሚቀርበው የአዳራሽ ውስጥ ዝግጅቱ በይፋ ተጀመረ፡፡ አርቲስት ሃረገወይን የባንኩን የእንኳን ደህና መጣችሁ መልዕክት ካቀረበች እና አጠር ያለ የ10 ዓመታት የባንኩን የአመሰራረት አፅመ ታሪክ በአጭሩ አቅርባ መድረኩን እንዲረከቧት እና የእለቱን የክብር እንግዶች ወደ መድረክ እንዲጋብዙ የባንኩን ፕሬዚዳንት አቶ አብሃም አላሮን ወደ መድረኩ ጋበዘች፡፡

ፕሬዚዳንቱም የእንኳን ደስ ያላችሁ መልዕክት እንዲያስተላልፉ የብሄራዊ ባንክ  ገዥ የሆኑትን ይናገር ደሴ (ዶ/ር) ወደ መድረክ ጋብዘው ገዥው ባንኩ በርካታ ባለአክሲዮኖችን በመያዝ ቀዳሚው የንግድ ባንክ መሆኑን ገልፀው ለመላው የባንኩ ማህበረሰብ የእንኳን አደረሳችሁ መልዕክታቸውን አቅርበዋል፡፡ በማስከተልም የቀረበው የባንኩ የዲሬክተሮች ቦርድ ሰብሳቢ አቶ ጉማቸው ኩሴ የእንኳን አደረሳችሁ እና እንኳን ደስ ያላችሁ መልክት ሲሆን ሰብሳቢው በመልዕከታቸው የባንኩን ስኬቶች በማወደስ ቀጣይ ስራዎችን በተሸለ አቅም ተጠናክረው እንደሚቀጥሉ እምነታቸውን ገልፀዋል፡፡ ይህ ዝግጅት እንዲህ ባለው መልኩ ቀጥሎ በባንኩ ፕሬዚዳንት አቶ አብርሃም አላሮ አጠር ያለ የኢትዮጵያ ባንኮችን ታሪክ እና እድገት እንዲሁም የብርሃን ባንክ የ10 ዓመታት የአፈፃፀም ጉዞን የሚያሳይ ጥናት ቀርቧል፡፡ ፕሬዚዳንቱ ባንኩ  ከምሰረታው ጀምሮ በተለያዩ ልኬቶች ያስመዘገባቸው ስኬቶቹ እጅግ አመርቂ እና ፍሬያማ የሚባሉ መሆናቸውን አብራርተው በቀጣይም እነኚህ ስኬቶቹ በላቀ መልኩ አሸብርቀው እንደሚቀጥሉ ያላቸውን እምነት ገልፀዋል፡፡

በማስከተል የቀረበው ለባንኩ መመስረት እንዲሁም በተለያዩ መንገዶች ባንኩን ከምስረታው ጀምሮ ላገዙ መስራቾች፣ አመራሮች እንዲሁም ላለፉት አስር ዓመታት በባንኩ ላገለገሉ ሰራተኞች የእውቅና እና የምስጋና ስጦታዎችን የማበርከት ስነስርዓት ነበር፡፡ ከምስጋና ሰርቲፊኬት ጀምሮ 13 ሰራተኞቹን ጨምሮ ለተለያዩ ባለድርሻዎች በወርቅ በተሰሩ ስጦታዎች ባሸበረቀው በዚህ መድረክ በርካታ ትውስታዎች እና የደስታ ስሜት የፈነቀላቸው ሁነቶች ጎልተው አምሽተዋል፡፡ ይህንኑ ፕሮግራም ተከትሎ ባንኩ ለኢትዮጵያ ልብ ህሙማን ሕፃናት መርጃ ድርጅት የ3 ሚሊዮን ብር እንዲሁም  በጥቁር አንበሳ ሆስፒታል የአጥንት ህክምና ክፍል 2 ሚሊዮን ብር ድጋፍ አድርጓል፡፡ ይህንኑ ስጦታ የማዕከላቱ ተጠሪዎች ዶክተር ሄለን በፈቃዱ (የልብ ሕሙማን ህፃናት ድርጅትን በመወከል) እና ዶክተር ብሩክ ላምቢሶ (የአጥንት ህክምና ክፍልን በመወከል) ከባንኩ የዲሬክተሮች ቦርድ ሰብሳቢ እጅ ተቀብለዋል፡፡ ይሀንን ስጦታ ሲቀበሉም ድጋፉ በሚደረግላቸው እና የህክምና ወጪዎቻቸውን መሸፈን በማይችሉ አቅመ ደካማ ህፃናት እና አረጋውያን ስም አመስገነው ገንዘቡን ሙሉ በሙሉ ለታለመለት ዓላማ እንደሚያውሉ ከምስጋና ጋር ቃል ገብተዋል፡፡

በዝግጅቱ መጨረሻ ላይም የባንኩ ቀጣይ የንግድ ምልክት ወይም አርማ ሆኖ በሚቀጥሉትን አመታት ባንኩን የሚወክለው አዲስ አርማ ለታዳሚያን ተዋውቆ የዕለቱ ዝግጅት በእራት ፕሮግራም በደማቅ ሁኔታ ተገባድዷል፡፡

 

 



Demos

Layout

Wide
Boxed
Scroll up